हसतील ना कुसूमे जरी

हसतील ना कुसूमे जरी
ना जरी म्हनतील 'ये'
पाऊल ना टाकू तिथे
बाग ती आमूची नव्हे
भ्रमरा परी सौन्दर्य वेडे
आहो जरी ऐसे अम्ही
इश्कातही नाही कुठे
भिक्शुकी केली अम्ही

खेळलो इश्कात आम्ही
बेधून्द् आम्ही खेळलो
लोळलो मस्तीत नाही
पायी कूनाच्या लोळलो
अस्मिता इश्कात सा-या
केव्हान्च नाही विसरलो
आली तशीही वेळ तेव्हा
इश्क सारा विसरलो

रडलो आम्ही इश्कात
जेव्हा आम्हा रडावेसे वाटले
तेव्हा नव्हे जेव्हा इश्कास वाटले
आसूवरी अधिकार हाही
इश्कात ज्याला साधला
नुसताच नाही इश्क
त्याला मो़क्ष आहे साधला

बर्बादिची दीक्षा जशी
इश्कात आम्ही घेतली
इश्कही बर्बाद करण्या
माघार नाही घेतली
ना रडू नुसतेच आम्ही
हाय ना नुसते करु
आहो शिवाचे भक्त आम्ही
हेही करु तेही करु..........