तुझासंग प्रीतीची पाऊले

गुणदोष ठेवा सावरुनी
द्या प्रेमभाव बहरूनी
सरते आयुष्य शेवटी
राही मनी प्रीत उरूनी ..
तुझासंग प्रीतीची पाऊले
सांग ना मज वेड का लावले ….

काटेरी आठवण तरी
मनी सदैव ती परी
एकटा जीव हुंडाळी
नेत्री काळोख जरी ....

रवि नयनात मावळे
सांग ना मज वेड का लावले ….

मनी कळीही फुलली
तिथ रात दिन डुलली
वाट काढली त्यातुनि
जरी होती काट्यातुनि ……

तिथ प्रेमफुल फुलले
सांग ना मज वेड का लावले ….

किती तुझे बहाणे
माझ्या प्रीतीचे तराणे
गुलाबही लागला कराया
गुलाबी ओठाचे गाऱ्हाणे …

त्यालाही बेरंगी वाटले
सांग ना मज वेड का लावले ….

मज वेड का लावले ….
तुझासंग प्रीतीची पाऊले

-अनामिक