भय अनामिक असे आज दाटून आले..
मेघ अभावित जसे आज दाटून आले..
ओलांडू कशी मी उंबरठा ?
किलकिले दार उघडता
सुख देत हाकारे बाहेरुन आले..
ना ओलांडू कशी मी उंबरठा ?
घुसमट सोसवेना मनीची
तडफड साहवेना कधीची
कोंडू कशी वेदनेला ?
मारु कशी जाणीवेला ?
सुख देत हाकारे बाहेरुन आले..
ना ओलांडू कशी मी उंबरठा ?
आहे,जग भयाण आहे
आहे,मीही तयार आहे
माघार घेऊ कशाला ?
दार लावू कशाला ?
सुख देत हाकारे बाहेरुन आले..
ना ओलांडू कशी मी उंबरठा ?
ना ओलांडू कशी मी उंबरठा ?
No comments:
Post a Comment