प्रेमात पडल्यावर

प्रेमात पडल्यावर 
सारेच वेडे होतात 
नभातल चांदण
तिच्या डोळ्यांत पाहतात 
ती भेटता तिचा गंध 
श्वासात भरून घेतात 
रात्री पापण्या मिटून 
तिला पाहत रहातात
ती प्रत्यक्ष भेटल्यावर 
अबोल होऊन जातात 
बोलायचं ते राहून गेलं 
म्हणून रात्र रात्र जागतात
तिला नजरेत साठवण्यासाठी 
किती किती तडफडतात 
तिच्या एका कटाक्षासाठी 
किती किती झुरतात 
तिच्या नुसत्या दिसण्यान 
बेहोष होऊन जातात 
तिच्या नुसत्या हसण्यान 
नभात उडून जातात 
खिशात पैसे नसले तरी 
तिला बर्थडे गिफ्ट देतात 
ती म्हणेल तसं 
तिच्या तालावर नाचतात 
ती रुसून बसल्यावर 
देवदास होऊन जातात 
तिला कसं मनवायचं
याचं टेन्शन घेतात 
फक्त तीच असते मनात 
स्वतःलाही विसरून जातात 
प्रेमात पडल्यावर 
सारेच वेडे होतात .

- संजय एम निकुंभ , वसई