माझा देव मुळात देवच नाही

…कारण…
माझा देव कुणाला पावतच नाही
माझा देव कुणाला श्राप सुद्धा देत नाही 
म्हणून माझा देव मुळात देवच नाही....

माझा देव कुणावर करणी करून फेडत सुद्धा नाही
माझा देव कुणाला श्रद्धेपोटी घाबरवत सुद्धा नाही
म्हणून माझा देव मुळात देवच नाही....

माझा देव कुणाच्या अंगात सुद्धा येत नाही
माझा देव कुणाची बळी सुद्धा मागत नाही
म्हणून माझा देव मुळात देवच नाही.....

पण मित्रानो ......

माझा देव माझा मित्र आहे
…कारण...
माझा देव निसर्गाशी एकरूप आहे
माझा देव विज्ञानाशी समरूप आहे
म्हणून माझा देव माझा मित्र आहे....

माझा देव आदर्शवादी-बुद्धिवादी आहे
माझा देव प्रगतीची मशाल आहे
म्हणून माझा देव माझा मित्र आहे....

माझा देव लोकशाहीचा प्रतिक आहे
माझा देव समतावादी-बंधुत्ववादी आहे
माझा देव मंगल मैत्री आहे
म्हणून माझा देव माझा मित्र आहे....

पण खर सांगतो मित्रानो...........
माझा देव मुळात देवच नाही..........


-माझी कविता -
प्रविण प्रमिला-मधुकर बल्लाळ
(१३ सप्टेंबर. २०१२)