तू जात होतीस
अजूनही तो रस्ता इथेच आहे,
त्या रस्त्यावर वाट बघणारा
आजही मी तिथेच आहे…
तुझ्या कोमल पायांचा स्पर्श
आजही या मातीला सुखावत आहे,
तुझ्या एका नजरेने सुखावणारा
आजही मी तिथेच आहे…
शाळा सुटायच्या वेळी जी घंटा
वाजते आजही ती इथेच आहे,
शाळा सुटल्यावर तुला शोधणारा
आजही मी तिथेच आहे…
संगीताच्या वर्गाला जाणारी तुझी
साउली आजही इथेच आहे,
तुला जातांना न्याहाळणारा
आजही मी तिथेच आहे…
तासनतास तुझा विचार करणारा
आजही तो इथेच आहे,
वेळ मिळाला तर एकदा बघ
आजही मी तिथेच आहे…
मरणारे तुझ्यावर लाख असतील
प्रेम करणारा तर एक आहे,
कधी एक हाक तर देऊन बघ
आजही मी तिथेच आहे…
No comments:
Post a Comment