एक पाखरू मनातलं,
कायम स्वप्नात रमणार,
वास्तवाशी बिनघोरपणे झगडणार,
एक पाखरू मनातलं,
मायेच्या कुशीत अलगद शिरणार,
मोठ होऊन समजुतदारपणे थोपटणार,
एक पाखरू मनातलं,
आवडतं गाण हळुवार गुनगुनणार,
स्वतःच अस्तित्व ताकदीने शोधणार ,
एक पाखरू मनातलं,
आपल्या माणसाच्या वाटेकडे डोळे लावून बसलेल,
तितक्याच तन्मयतेने वेगळी वाट नव्याने हुडकणार,
एक पाखरू मनातलं,
वाईट अनुभवांना भेदरणार,
अन दिलखुलासपणे हसत सर्वांगाने स्वीकारणार,
एक पाखरू मनातलं,
खूप घाबरून भुरकन उडणार,
पण "वेड" होऊन आकाशाकडे झेपावणार,
एक पाखरू मनातलं,
माझ्या-तुझ्या सगळ्यांच्या मनातलं.
No comments:
Post a Comment