आठवण...सुखभरी.....

आठवण...सुखभरी.....

प्रेमात पडल्यावर सगळं जग सुंदर होऊन जातं

वेळीअवेळी आठवण येऊन डोळ्यात पाणी येतं

आवडता चेहरा सारखा नजरेसमोर येतो

स्वप्नातही तोच कसा पुढे उभा र्‍हातो ?

कॅडबी द्यावी का द्यावं छान फूल

काय बरं द्यावं याची सतत पडते भूल

उशीर हा करतो किती, वेळ मुळी पाळत नाही

कसा वेळ काढतो इतका हेच हिला समजत नाही

कधी गप्पा कधी रुसवा वेळ जातो भराभरा

तीन तास गेले की चल मी निघते जरा

सहवासाची ओढ अशी काही केल्या जात नाही

आज बास, उद्या भेटू बोलणं काही संपत नाही

क्षण-दिवस सुखभरे निघून जातात पटकन्

लग्न एकदा झाले की नुसती उरते आठवण....