काहीच नाही….....................

बोलण्यासारखे खुप आहे,

सांगण्यासारखे काहीच नाही;

करण्यासारखे खुप आहे,

होण्यासारखे काहीच नाही…..
...

कधी माझ्या डोळ्यात, खोलवर बघुन पहा;

सोसण्यासारखे खुप आहे,

दुखण्यासारखे काहीच नाही…..

उभी रहा आरशासमोर, न्याहाळ स्वतःचे प्रतिबिंब;

मी दिसलो नाही तुला तर,

बघण्यासारखे काहीच नाही…..

तुला नेहमीच वाटत असेल,

मी तुझ्यावर प्रेम का करावं ते;

समजण्यासारखे खुप आहे,

कळण्यास अवघड काहीच नाही…..

माझ्या नेत्रांतील आसवांची,

तुला काय किंमत;

मानले तर अमृताचे थेंब आहेत,

नुसते पाहिलेस तर काहीच नाहीत.