आमच्याकडे याला प्रेम म्हणतात ...

प्रेम करायला लागतंय काय
सुंदर एक मुलगी आणखी काय
" मन जुळाव लागत " ... अहो काही काय
घ्या आणि द्या ... हाच सरळ न्याय

वेळ मिळाला तर बाकीच्या गोष्टी
भावनांचाही थोड नंतर बघुयात
कुणी आता काहीही बोलू देत
आमच्याकडे याला प्रेम म्हणतात
स्पष्टच बोलली माझी आई
जातीतलीच  बघ माझे बाई
नोकरी - धंदा बघून घे सगळ
प्रेमात करशील उगीच घाई

मीही अगदी तसच केल
कोण पडतंय नसत्या फंदात
कुणी आता काहीही बोलू देत
आमच्याकडे याला प्रेम म्हणतात ...

प्रेम केल आम्ही दिमाखान सांगणार
प्रेमाच्या आणाभाका आम्हीच भाकणार
जमल तर ठीक नाहीतर दुसर बघणार
आतल्या या गोष्टी कुणाला कळणार

प्रेमाचा बाजार आणि प्रेमाचा व्यापार
कोण कधी तोट्यात ... कोण फायद्यात
कुणी आता काहीही बोलू देत
आमच्याकडे याला प्रेम म्हणतात ...