असे का बरे होते ?

असे का बरे होते ?
मनातल्या भावनांचे
ओठावर येणे राहून जाते
खुप असते सांगायचे
पण बोलायचे राहून जाते
कोणास ठावुक
असे का बरे होते ?
गुंफुनी हात हाती
तिच्या साथीने दूर जावे
तिचे पाहुनी गोड हसणे
मग चालणेच राहून जाते
कोणास ठावुक
असे का बरे होते ?
छेडूनी प्रिततराणे
तिच्या साथीने गुणगुणावे
तिचे ऐकुनी शर्मिले अस्फुट गाणे
मन गीत विसरून जाते
कोणास ठावुक
असे का बरे होते ?